快D寫埋「Part 2」，廢事拖得太耐......
係香港打工不外乎係以下幾類公司環境，「大或細」公司，以及「老外或華人」機構，亦即兩種「Dimensions」。
先論「大細」，有人話大公司學做人，細公司學做野。在較為複雜的人事關係下，個人工作表現不是唯一的成功要素，恰當的「外交手腕」往往是生存成功之道。當然，「太擦鞋」及無Mud工作表現之徒，難免成為「人民公敵」，凡事都係小心D及唔好去得太盡為妙。
相對上，由於人腳較少，每個人都係「搏殺型」，中小型公司(SME)較少出現「好食懶做之徒」(係眾目葵葵下，根本容納唔到呢類人)，而每名員工其實有不少機會涉足其他工種(俾您學到多張刀都唔出奇)。如果遇著渣老板等「憐香惜玉」的「好Boss」，做女員工都咪話唔正。SME的缺點是「Salary不會太高」，而公司的穩定性通常不高。
「老外」vs「華人」機構，正如上集提到，「鬼佬公司」通常較看重「Performance」，相對上無咁多「無謂制肘」。「中國人的地方」就多D「Procedure」同「排資論輩」，聽高層話通常「無死錯」。
Anyway，始終每間公司個「Culture」、「History」同「國情」不大相同，都係「Case-By-Case」分析好D......仲有好多野都睇「人夾人緣」，自己執生為妙!!
咁筆者自己會否有日「開檔做生意」，照計就唔多會啦! 何解，本公子命格似「俾人管」多過「自已管人」，第日俾老婆管就差唔多(唔知N年後邊個咁好彩^_^)。
都係學下沙地王子，或淡馬鍚(Tamasek)咁，做個「Passive 小老板」，資產遍佈全球過癮D......嘿嘿
6 則留言:
"「鬼佬公司」通常較看重「Performance」，相對上無咁多「無謂制肘」"
我認為：中國人太多感情, 又即係太多講鍾唔鍾意你；鬼佬鍾意量化，睇數字,寫appraisal。又其實係冷靜o的，客觀o的、合符現代o的。
"都係學下沙地王子，或淡馬鍚(Tamasek)咁，做個「Passive 小老板」，資產遍佈全球過癮D......嘿嘿"
係啦, 公子投資有道
咪一樣係老闆！
錢, 工具o黎o者
証明Albert公子身家極之豐厚~, 絕對不只係金龜咁簡易,係鑽龜~鑽龜
陳兄咪玩啦，話明"學人地"就緊係有排啦! 大陸之旅開心嗎?
大口兄都可以投資有道嫁，有時"Sense"同"Insight"比分析力更重要，得閒可以同陳兄交流下.....
我一向都有和tabo兄交流架^_^
Albert,
你話：『有人話大公司學做人，細公司學做野』，可能因為大公司人多，玩 politics既人同機會都相對多D。
但唔代表細公司無，因為好多時細公司位位都可以直達天庭，所以只系玩法唔同，有人就有利益矛盾，就有政治。
最近俺個 fan 能 sir 講細公司只可以有群星(拱月)，唔可以有巨星(蓋月)，俺覺得呢D絕對系出於老闆本身既 insecurity..俺相信昏君自有讒臣出！
細公司今時今日想玩人情味，有家的感覺都好難，因為D伙記唔想玩，好實在，邊樹人工多兩舊即刻起身。
大公司反而攪鬼咁多attitude tests, multi dimensional appraisals 講job satisfaction..關心你的情度仲多過你老豆老母。
精工小姐:
係呀! 細公司一樣有Politics，不過由於少人D(但工作不少)，人就會稍為少D時間搞"無聊野"....
"昏君自有讒臣" --> 這應是"Most Determining Factors"
"細公司今時今日想玩人情味，有家的感覺都好難，因為D伙記唔想玩，好實在，邊樹人工多兩舊即刻起身" --> 要等渣老板回應下先得。
"大公司反而攪鬼咁多attitude tests, multi dimensional appraisals 講job satisfaction..關心你的情度仲多過你老豆老母" --> 大公司好多"無聊野"，如果"Bill Gates"/ "李生"等人才(假設呢家先係Fresh Graduate)去"Apply"，一定"Fail"!!
發佈留言