投資哲學


萬法歸一 ,股海唯心至上,到頭來無一法可得,亦無甚麽可失

投機、投資、或中短線交易,只要方法得當,則殊途同歸,並無對錯之分

投資的最高境界並非贏大錢,而是克服心魔


星期五, 4月 13, 2007

中國鋁業(2600),湖南有色(2626),洛陽鉬業(3993)

氧化鋁(Alumina)供過於求,導致價格下跌; 雖然下游鋁及其他鋁製產品價錢穩步上升,07及08年中國鋁業(2600)純利可能進一步下滑。

以$9.06計,07P/E可能上升至12至13倍,08P/E可能更高。(註: Volume理應按年上升,於中國用於基建、交通、電力的鋁材產品在上升階段)

過往,中國鋁業(2600)一直Trade緊6至14倍P/E......可能唔係幾吸引啦。

有趣的是,市場對於較貴價的金屬偏向給予較高的估值(過往3年):

馬鋼(323): (P/E: 4至11倍; 平均P/E: 6.5x)
鞍鋼(347): (P/E: 6至12倍; 平均P/E: 8.6x)
中鋁(2600): (P/E: 6至14倍; 平均P/E: 8.9x)
江西銅(358): (P/E: 6至15倍; 平均P/E: 11.5x)


如果買湖南有色(2626),不如諗下新股洛陽鉬業(3993),都係做貴價稀有金屬。鉬為提鍊鋼材Alloy的高增值物質。

ASP近年穩步上升,而洛陽鉬業入亦係行頭主要Players(全球六大鉬業企業之一)。

由於低Margin業務(如鉛、鋅)的比重低,洛陽鉬業個Gross Margin(68%)高過湖南有色(16%)。按IPO上限計($6.80),07 P/E(Diluted Basis)大約為13倍左右; 產品同湖南有色相若,Margin高一截,但估值低很多(湖南有色07年P/E大約是18至21倍)。

湖南有色(2626)的"鋅"同"鉛"就係低檔次,但"鉬"以及"鎢"的就係稀有貴價金屬。相對來說,洛陽鉬業(3993)"鉬"的比重高好多......

Disclaimer: 本網頁屬個人網誌,並不會給予任何投資建議。本網頁的一切言論並不構成要約、招攬、邀請、誘使、建議或推薦。本人亦無法保證網站內容的真確性及原整性。請運用個人獨立思考能力自行求証分析,一切賺蝕得失,概與本人無涉。

28 則留言:

變幻原是永恒 說...

湖色07年的PE邊有咁高丫~~~~~~頂多都係13-15左右.

阿爾伯特 說...

陳兄Check下啦......湖色(2626)估值唔低!

變幻原是永恒 說...

較難估計, 13- 19 ^_^

Unknown 說...

o係份招股書入面, 睇返鉬既價格走勢, 嘩, 真係唔講得笑, 由 2003 5蚊磅狂升至2005 年 30蚊磅, 跟手仲要整多句:

"羅斯基爾預期二零零六年、二零零七年及二零零八年的市場仍然受供應波動所影響,而且在欠缺額外焙燒能力以應對預期需求增長的情況下,焙燒能力短缺的問題將仍然嚴重。"

依家已經唔係講雞仔注抽一手, 而係應唔應該放左其他野推落去...

變幻原是永恒 說...

修正, 湖色07年的PE應該由13-17不等.
洛鉬係好野來的, 不過上市升5成的話, 07年PE 21. 你手上有什麼野可以放先eric兄?

阿爾伯特 說...

湖色07年的PE應該由13-17不等 --> 肯定太樂觀,17 - 21就差唔多(Consensus Estimates)。

變幻原是永恒 說...

唔係掛, 17PE係根據出面洛鉬比湖色有20% discount計出來的. 而且都合理丫, 07年純利升50%都係PE18, 而且今年又發行A股, 又資產重組, 注資等等...都有可能去到PE13-15不等丫.

albert公子, 你點計架, 說來聽聽^.^

阿爾伯特 說...

我睇既係各方大行個Forecast...

Unknown 說...

陳兄呀, 我唔係得幾多錢架. 不過個 portfolio 就唔係幾 balance, 又太多一手二手抽返o黎唔掉. 佔多錢既咪匯豐利豐玖紙建行. 最奇怪既就係瑞房建板, 依兩隻野我會俾多一兩年睇睇...

咁睇可能要學你放匯豐. 或者唯有用孖展抽多兩手鉬啦 (中銀好貴, 收人 6 厘). 睇下仲有冇其他辦法...

變幻原是永恒 說...

eric兄, 你手上的都係成長股 @@..你自已衡量啦, 可能用孖展更好..

阿爾伯特 說...

Eric兄:

係呀!每人各自"國情"唔同,風險承受力同"Style"唔同...


陳兄:
好似近排喜歡玩金屬野wor!

變幻原是永恒 說...

邊度有丫..主力都係金融類為主. 同蔡兄差不多. 

Cory 說...

聽朋友講, 金屬股由於有其週期性, 高PE 先先可以越炒越高, 唔知Albert 有咩睇法.

阿爾伯特 說...

Cory兄:

另一計法,assume個"ASP"、MArgin、Reserve......然後用DCF計NPV。

不個好睇"ASP"(即金屬價格)您估得準唔準,睇個Industry既"Demand/Supply",以及其他宏觀因素。用DCF都係對中短線金屬價格好"Sensitive"。


"金屬股由於有其週期性, 高PE先先可以越炒越高" --> 這不奇怪,如果金屬價格向上,而趨勢有信心可於2至3年內維持,無論用DCF、或預測P/E,"Fair Value"實向上調。如果用Historical P/E,咪高左law.....

Cory 說...

多謝Albert 兄 指教

阿爾伯特 說...

不用客氣。不過,我諗Wing兄對金屬股了解仲深.....

平保點睇? 好似最新個"Results Announcement"無"Investment Asset"既詳細報告。另外,將"Claims"同"Policyholder Reserve"混埋一齊(IFRS Basis)...

變幻原是永恒 說...

剛剛先至搵左一大堆湖色的資料, 似乎到2010有色金屬業都可以看好. 怪不得wing兄咁睇好湖色.

阿爾伯特 說...

湖色(2626)盤生意來年應可向好,不過我自己就覺得僅是合理。

其實早陣係諗過湖色(2626),不過考慮埋個估值後,就選擇江西銅(358)(只要銅價不大跌,金價向上就OK)。

Cory 說...

等埋國壽出埋report先有更好既評論, 初步睇, 除了平保係分紅險退保增大, 其他都處於優良水平.

變幻原是永恒 說...

^.^ 去到7元時賣鬼左佢轉中石化

阿爾伯特 說...

Cory兄:

平保個"Combined Ratio"高左(不計Investment Income),可能行頭Competition勁左(不過中人壽應該都有相同Challenge)

"分紅險"英文係指?


陳兄:

中石化(386)估值不太吸引,Wing兄已解釋過,諗定第二隻先為妙。

Cory 說...

我自己估計國壽既combined ratio 會升得多, 佢地產品控制, 成本控制唔太好.

阿爾伯特 說...

Cory兄:

贊同! 中人壽(2628)06年上半年Combined Ratio已按年上升。

可以Argue係一D "Non-Cash"成本上漲,如"Deferred Acquisition Cost"及"Policyholder Reserve"。不過我就會當係"Economic Cost".....都暗示產品Margin下降,同埋有成本上漲壓力


不過市場唔係好多人願意講。

變幻原是永恒 說...

如果真係去到9元都仲有25%增長丫, 長線投資你有什麼好推介?

Unknown 說...

很期待albert 兄的招行分析

Thanks

阿爾伯特 說...

Ngankt:

其實可以幾句講完,遲D出業績個陣講多D, OK?

簡單D講,大陸的中型銀行相對四大銀行來說:

- 貸款增長較高
- 資產質素較優(不只NPL比率低,而"Special Mention"貸款類別亦有下降之勢; 工行既"Special Mention"貸款類別於06年則上升)
- 顧客滿意程度,以及高檔客戶比率,普遍較高。

以眾中型銀行中,招行(3968)比較出眾......

不過,以$18.24計,招行估值不吸引,宜等待一下!

Unknown 說...

謝謝分析

Unknown 說...

我做唔到孖展 :~( 依期真係蛋家雞見水...