投資哲學


萬法歸一 ,股海唯心至上,到頭來無一法可得,亦無甚麽可失

投機、投資、或中短線交易,只要方法得當,則殊途同歸,並無對錯之分

投資的最高境界並非贏大錢,而是克服心魔


星期三, 4月 11, 2007

兩極化 --- 零售業

過左SARS都差唔多4年,以2003年七月為「分水嶺」,香港經濟由過份恐懼的極端開始向上走。筆者不反對大圍經濟轉好,而且07年不會差得去邊,大部份人有工做,而薪水亦有望上調。不過,若然細心一點看,其實市場在好境下巳不知不覺地進行無聲「重組」。

以零售業為例,2004年隨著「自由行」及「Disney」等氣氛下,大部份零售商盈利大漲。不理好丑,賣衫的、賣化妝品的,零售行業股票全部漲。不過2005後,遊戲規則似乎改變了,猶如水退後便看到誰沒有穿著泳衣。零售及經濟市道轉好的直接結果便是租金上調,但並不是每一間企業都能應付。

以「賣衫」為例,04年的租金水平還停留於03年的偏低水平,就算低檔次的經營者仍能獲得厚利。但當租金係05年開始上升,「廉價策略」的零售商陷入「鬥價」的惡性競爭,不少亦轉盈為虧,或盈利大跌。

猶和「洗牌」一樣,05年打後,中高檔次的中大型零售商,才有把握達到穩定上升利潤(如思捷(330)); 中小型的,一定要走上中高檔次,才能保住盈利(如莎莎(178)、佐丹奴(709)、IT(999),甚至更小型的Bauhaus(483))。其他以「價格」為競爭力的中小型經營者,唯有自求多福。

20 則留言:

變幻原是永恒 說...

今次的升浪真係急>_< 330已經快100了, 386就反彈左3成....

阿爾伯特 說...

陳兄:

有時真係冇得估邊個Sector行先,唯有分散幾個Sectors。話時話,近排有Mud"Idea",真係幾難唸??

變幻原是永恒 說...

347鞍鋼的確唔錯, 07年的純利更加驚人, 唔係講笑~ 以下行業都睇好, 2007真係勢在中國, 有的行業現在先至發力, 今年真係97年的重演

鋼鐵行業利潤同比增長3.6倍,非金屬礦物制品業增長1.2倍,化學纖維制造業增長2.2倍,化學原料及化學制品制造業增長80.1%,電力行業增長66.7%,煤炭行業增長57.3%,專用設備制造業增長76.7%,交通運輸設備制造業增長68.4%,有色金屬冶煉及壓延加工業增長31%,

變幻原是永恒 說...

1033 儀征化纖 ^_~ 獨家心水之選, 保密保密

Unknown 說...

陳兄講真定笑呀? 1033 現時炒個 framework 係私有化. 如果剩係睇盈利能力,俾個 2007 個業績識飛, 都唔係值現價二佰幾倍 PE 呀? 依隻野點解係陳兄既心水o既?

阿爾伯特 說...

陳兄:

儀征化纖(1033)應該搏"Turnaround"同"私有化"(如Eric所言)。不過"化學纖維"價格應幾"Volatile",來年純利不易估。

設備制造業應可看好,中國的基建同固定資產投資(FAI / CapEx),應該不錯。不過此類公司估值不太吸引。中國交通建設(1800)不平,東方電機(1072)同上海電氣(2727)或可善價吸納(如Wing兄之前對#1072之分析)。


有色金屬、鋼鐵及貴價金屬可看好,主要原因應係中國需求持續。其實早陣子我都買左D江西銅(358),作為進攻先鋒; 如果銅價穩下來,07/08純利應不錯。

阿爾伯特 說...

電力行業好睇煤價(或是電價能否同煤價一齊走).....南方電網應是"Sure Win"之選,不過我諗IPO估值不會低。

穩健D,諗下"Ports",如中遠太平洋(1199) --> 估值較合理的"Cash Cow Business"。

變幻原是永恒 說...

嘿嘿, 正如albert公子所言, 1033係投機成份居多, 博私有化和純利爆發性上升. 先講明係小注玩架~~~ 記得止蝕.

我只買左中石化(長線) 湖南有色(中線), 另外等位入鞍鋼. 看左大陸的分析之後, 鋼鐵今年應該會好猛.

變幻原是永恒 說...

南方電網點都要買~~~~首選中的首選

Unknown 說...

依家 D 野都貴哂,如果加碼買冷門野心理又唔容易處理, 唔似東尼咁買"瑞房"加碼, 道行實在高...

Wing 說...

買1033,不如買338,338 已經在復甦, 市佔率大, 預期派息都唔錯, 都有私有化概念!

港口股要小心,今年中國的出口有機會急降!

sector一向係輪流炒作,應該就快輪到汽車...

阿爾伯特 說...

Wing兄,想了解下"中國07年的出口有機會急降"之原因。

中國的出口有機會急降 --> 若然出口增長率放緩,應提供買入良機,只要肯定08、09、10的出口強勁就行。

相信中國依然係全球工廠,而Outsourcing個Trend尚未玩完。

另外,隨著內部消費上升,入口增長率來年只會加速。

如果看淡出口、內部消費,其實等同不看好整個中國經濟。

GDP = Net Export + Private Consumption + Private Investment (CapEx / FAI)

阿爾伯特 說...

http://chinese.wsj.com/gb/20070409/ecb161414.asp

可參巧呢篇WSJ的文章,若然原因是美國經濟放緩(不過不是新聞)......

變幻原是永恒 說...

wing兄, 出口上升放緩而已, 唔係急跌.

變幻原是永恒 說...

Eric兄, 東尼已經搵夠退休啦, 心情同我們自然不同. 比我有一千萬, 買哂匯豐銀行收息就算嚕, 使鬼煩咩^.^

Wing 說...

SORRY, 用錯字眼, 應該係放緩!

美國經濟係其中一項, 另外出口退稅, 還有政策會偏向內需, 唔想出口太強, 從而減輕人仔的升值壓力

當然只係有咁的機率, 唔代表一定發生....

但我唔會選擇呢個SECTOR...

Wing 說...

比我有一千萬, 仍然會投資, 因為係興趣, 而且錢唔怕多, 最多捐出去幫有需要的人...

阿爾伯特 說...

Wing兄:

政策會偏向內需及投資,咪有利入口。港口做出入口生意,政策點擺都似乎不錯。

由於Margin很穩定,即使增長率放緩,港口不會像汽車、航運、航空或金屬等Cyclical Sectors出現盈利大降。(稍後開新文章)

汽車Sector似乎落後,以風險來排次序(低至高):

東風(489) --> 駿威(203) --> 華晨(1114)

市場亦不笨......嘿嘿


陳兄:

有$10M都唔會100%買HSBC(5),我最多買15%-20%。

變幻原是永恒 說...

呵呵, 到有1千萬先至算啦, 繼續努力^.^
汽車股中我都係喜愛東風多的. 駿威個勢太弱不作考慮 長城, 吉利都好過佢.

看個勢, 中人壽和平保今年仲有得爆上去..佢地的投資真係無寶不落....

Unknown 說...

大陸保險股實在買唔落手. 依 D 野都係俾 D 勇敢的中國人去玩...

講到內需咁好, 係咪要買利和先?

講 WSJ 個篇野, 我唔同意, 想吹下水:

1. 2000年科網爆破係內部財富轉移, 經濟動力其實還存在, 消費能力唔會失去.
2. 戰爭先至係真正燒銀紙.
3. 越戰時利率升到十八九利.
4. 今次未出事完全係中國同日本提供廉價資金.
5. 大陸開始唔想玩, 做傻仔將辛苦賺返o黎既錢俾人地吃喝玩樂打交, 想將儲備多元化.
6. 問題係唔想玩之前, 一定要發展內需, 如果唔係, 大陸根本冇必要o係出口經濟增長強勁之下還要急急加把火發展內需市場, 這有違穩定發展原則....
7. 如果冇o左廉價資金, 而佢地仲係唔生性, 又打唔到石油返o黎, 短期 stagflation 都有可能...