投資哲學


萬法歸一 ,股海唯心至上,到頭來無一法可得,亦無甚麽可失

投機、投資、或中短線交易,只要方法得當,則殊途同歸,並無對錯之分

投資的最高境界並非贏大錢,而是克服心魔


星期四, 5月 24, 2007

富士山下

好野,終於放「Annual Leave」去日本,星期五朝頭早就飛。似乎避不開,今次又係搭「CX」(講明先: 都係陰差陽錯先搭國泰ja)。

咁香港呢邊要交俾「Wing兄」同「陳兄」照料......嘿嘿!

無論如何,祝各位好運 ^_~

星期三, 5月 23, 2007

渣打

「四大金融股」其一成員渣打(2888)近排可能有「大事情」發生,好似不斷被「Institutional Investors」增持,按理唔係「星加坡佬」,就應該係「中東佬」。甚至市場有傳有人可能願以每股$324收購渣打(現價大約$260)。

星加坡政府旗下的「Temasek」現時持有12.0%渣打股權,另外「Legal & General」持有3.4%股權(Legal & General亦持有4%匯控股票)。


呢家渣住隻股票都幾「過癮」,其實間銀行乎合四大投資因素 ---> 「Growth Potential」、「Quality」、「Valuation」同埋「Concept」。

「Growth Potential」 --> 渣打大約89%既貸款位於亞洲、中東同埋非洲; 即使唔計較成熟既香港同星加坡,高增長地區既貸款比重都有62%!! 整合台灣「新竹」同埋計入「Pakistan Union Bank」12月盈利後,07同08年「Net Profit」都會有不俗增長。

「Quality」--> 老牌英式管理,業務分佈達到「Efficient Diversification」,並有多年亞太區同非洲經驗。

「Valuation」 --> 以$260計,07同08年既「Diluted P/E」分別係16.5倍同14倍左右。如果俾08 P/E 17倍(按$20.15計,招行08P/E大約21至22倍),每股都起碼值$316。

「Concept」 --> 「星加坡佬」或「中東佬」可能繼續買入,甚至可能俾人高價收購。另外,大部份資產位於亞太區,岩晒!!

呢家($260)個「Valuation」都算「Reasonable」,不過好能已經「Miss 左」今年最好的買入良機。


Disclaimer: 本網頁屬個人網誌,並不會給予任何投資建議。本網頁的一切言論並不構成要約、招攬、邀請、誘使、建議或推薦。本人亦無法保證網站內容的真確性及原整性。請運用個人獨立思考能力自行求証分析,一切賺蝕得失,概與本人無涉。

環保能源

云云再生能源(Renewable Energy)中,以「水電(Hydro-Electric)」同「風力「Wind Power」為主流,原因不外手「成本效益」。

以下列出各類能源既「成本」同埋「設備投資(CapEx)」(Source: Topcj):

火電(Thermal Power): 發電成本($0.25 - $0.30 / Kwh); 設備投資($5,000 / Kwh)
水電(Hydro Power): 發電成本($0.30 / Kwh); 設備投資($6,000 - $7,000 / Kwh)
風能(Wind Power): 發電成本($0.50 / Kwh); 設備投資($8,000 / Kwh)
核能(Nuclear Power): 發電成本($0.50 - $0.60 / Kwh); 設備投資($10,000 / Kwh)
太陽能(Solar Power): 發電成本($2.00 - $3.00 / Kwh); 設備投資($55,000 / Kwh)

隨著科技層面既改進,其實水電同風能越黎越能達到「成本效益」等條件,難怪開始普及化。另外,係油煤等傳統能源價格上漲下「水電」及「風能」變得更可取。

依家係中國,水力發電大約佔全國發電量既10%。以2006計,全國發電量係251.24B Kwh,其中25.45 Kwh為水力發電。

「十一 五」後,祖國有意加強對「再生能源發電」之依賴性,將來對水風兩電之需求一定不細。由於風能發電基本上係「零」,來年「風能設備」市場看來潛力不俗。

A) 西部城市開滿招行分行
B) 西部公路兩旁設有風力發電機組

十年後,如果有緣見到,筆者寧選擇「B」。

星期一, 5月 21, 2007

加息、大陸銀行息差收窄?

中國人民銀行(PBOC)上星期五宣佈加息,一年期存款基準利率上調「27 bp」,而一年期貸款基準利率上調「18 bp」,表面望落去,各大錢莊既息差好似會收窄「9 bp」咁實際上係點?
其實,今次加息,係幾「選擇性」:

1) 活期存款(Saving Deposit)利息不變
2) 定期存款(Fixed Deposit)利息上升,其中較長年期既存款利息加幅較大 (i.e. 3-Mth Deposit --> +9 bp; 5-Yr Deposit --> +54 bp)
3) 貸款(Loan)利息,則以短期貸款利息加幅較大 (i.e. 6-Mth Loan --> +18 bp; 5-Yr Loan --> +9 bp)

簡單D講,存款越短期,銀行「多支付既利息」越少; 貸款越短期,銀行所「多收既利息」亦越多。這不難理解,人民銀行有意大幅增加長期存款利率,提高銀行定期對投資者既吸引力,從而希望有助控制「A股炒風」。

換句說話,如果銀行有較多「活期及短期存款」,而同時有較多「短期貸款資產」,則會享有「較高的息差

今日收到份「大陸證券行既Report」,裡面列出各大大陸銀行既存款同貸款之「年期結構」:

工行(1398): 短期存款比率 = 81.7%; 短期貸款比率 = 47.2%
中行(3988): 短期存款比率 = 78.4%; 短期貸款比率 = 44.5%
招行(3968): 短期存款比率 = 87.0%; 短期貸款比率 = 72.3%
浦發銀行: 短期存款比率 = 72.4%; 短期貸款比率 = 65.3%
興業銀行: 短期存款比率 = 81.9%; 短期貸款比率 = 52.7%
民生銀行: 短期存款比率 = 72.6%; 短期貸款比率 = 46.1%

云云銀行中,招行(3968)既「短期存款比率」同埋「短期貸款比率」似乎最高(另外,招行既貸存比率亦係行頭內最高,達71%),按理今次加息應該最受惠,亦解釋為何招行今日(五月二十一日)股價「企硬」(收$20.15); 相反,中行同工行分別下降1.26%及1.17%。

再說,加息等「Policy」其實想防止經濟發展過熱,理應能維持「Sustainable Growth」。即使五至十年後中國經濟漸漸飽和而放緩到5%至7%不等,筆者相信較具競爭優勢既中型銀行(尤其招行),其長遠增長潛力理應不低,原因係:

1) 現時「Market Share」幾細,可以由「四大」度搶客。
2) 上述搶客係大勢所趨,招行係「貸款選擇能力」、「服務質素」同埋「客戶滿意度」都較享優勢。
3) 「Personal Loan」增長潛力比「Corporate Loan」高,招行係「Retail Banking」做得唔錯。
4) 仲有「收費收入」既高速增長,宜家「Credit Card」同「Wealth Management Products」係祖國都算係「新野」,「Penetration Rate」唔高。


Disclaimer: 本網頁屬個人網誌,並不會給予任何投資建議。本網頁的一切言論並不構成要約、招攬、邀請、誘使、建議或推薦。本人亦無法保證網站內容的真確性及原整性。請運用個人獨立思考能力自行求証分析,一切賺蝕得失,概與本人無涉。

星期日, 5月 20, 2007

大聯盟

突然發覺,其實係「財經Blog界」中,有「Potential」成立好多個股票大聯盟:

1) 匯控(5)大聯盟
2) 宏利(945)大聯盟
3) 招行(3968)大聯盟
4) 交行(3328)大聯盟
5) 利豐(494)大聯盟
6) 平保(2318)大聯盟
7) 中人壽(2628)大聯盟
8) 中石化(386)大聯盟
9) 東方電氣(1072)大聯盟

(註: 要成立任何大聯盟,先決條件係至少財金Blog界中有兩個人持有隻股票)

仲有冇其他「漏網之魚」?


Disclaimer: 本網頁屬個人網誌,並不會給予任何投資建議。本網頁的一切言論並不構成要約、招攬、邀請、誘使、建議或推薦。本人亦無法保證網站內容的真確性及原整性。請運用個人獨立思考能力自行求証分析,一切賺蝕得失,概與本人無涉。

星期五, 5月 18, 2007

談工業股

云云工業股中,筆者鍾情於製造「Equipment」既龍頭工業股,無非都係一個原因 ---> 「Bargaining Power」。

係金屬同油價持續高企下,齋做「低增值 Consumer Products」,尤其是一D「Assembly」工廠,一定幾麻煩(註: 鴻海同富士康係好高增值,人家係條「Value Chain」上提供增值服務)。中小企不在話下(好多呢兩年唔係盈利倒退,就係搞到見紅),就算大如德昌(179)同創科(669),都全部失去兩三年前既風采。

最無奈既係個環球「Market」OK下,都俾個原材料成本夾到「氣喘」(創科既問題係美國樓市呆滯下,大客戶「Home Depot」棄車保帥)。達到「Operating Cost Control」固然好,但大如德昌(享有「Economy of Scale」)都難避成本上漲一劫......

有人問,「咁叫D廠加價咪得Law」,舉「Consumer Electronics」為例,全個行頭最賺錢既係D「外國Brand Owners (Nokia、Apple、Motorola、Samsung)」,班「零部件加工廠」其實冇Mud「Bargaining Power」。


相對黎講,具規模既「Equipment Makers」就可以「R&D」D高增值「New Products」,從而加價黎保住個「Gross Margin」。長遠而言,享有「核心競爭優勢」而達到「Product/Service Differentiation」的企業較為靠得住。

雖然「Equipment Product」市場較為「Cyclical」; 但如果間企業係行頭做到「Benchmark 級數」,而且整個行業長期係有中高增長潛力的話,「Cyclical Low」應該係買入良機。

呢類企業,其實香港都有一間,提示係「Semiconductor」行業......


Disclaimer: 本網頁屬個人網誌,並不會給予任何投資建議。本網頁的一切言論並不構成要約、招攬、邀請、誘使、建議或推薦。本人亦無法保證網站內容的真確性及原整性。請運用個人獨立思考能力自行求証分析,一切賺蝕得失,概與本人無涉。

星期四, 5月 17, 2007

重整組合

經過三四個月以來既「調兵遣將」,終於強化「H股」佔股票組合比重,岩岩去到38%左右。剛點算過,以下係一D數據:

1) PRC比重 (38%); 環球比重 (26%); 香港比重 (36%)

2) 增長型公司 (79%); 資產型或其他 (21%)

3) 第一級 (Buy 1 / Hold 1) (52%); 第二級 (Buy 2 / Hold 2) (33%)
--> (Buy 1 / Hold 1) = 盈利預測性高,而筆者覺得估值合理或吸引既公司;
--> (Buy 2 / Hold 2) = 盈利預測性可以,而筆者覺得估值合理或吸引既公司。

4) 行業種類: 銀行、保險、出口、半導體、地產、能源、金屬、汽車、重型設備

5) 「四大金融股」比重 = 32%


筆者投資理念主要係尋找「長線優質增長型公司」,係多個高增長既「Markets」/「Industries」內,選擇享有「核心競爭優勢 (Core Competitive Advantage)」既「千里馬」,並於合理估值時「招兵買馬」。

除非估值升到不太合理的「Level」、行業增長因飽和而放緩、或企業「結構性」基本面出現轉弱跡象,否則唔會輕易「拋棄好股」。

另外,會將保份資金「玩下D」資產股(Asset Plays),講明係高難度動作呀 ^_~

仲有,由於唔識估「Market」熱炒邊個「Sector」,所以效法「Sir John Templeton (大宗師一名)」既「Diversification (註: 非 Diworsification)」,保證唔會俾「市場先生拋離」!

兵法說,兵貴精不貴而多,寧願貴少少買間優質高增長企業,都唔會諗間P/E低但欠缺競爭優勢既「Mediocre 企業」。

最重要既係,得閒向D「Blog界高人」(如Wing兄、陳兄等等)請教......


Disclaimer: 本網頁屬個人網誌,並不會給予任何投資建議。本網頁的一切言論並不構成要約、招攬、邀請、誘使、建議或推薦。本人亦無法保證網站內容的真確性及原整性。請運用個人獨立思考能力自行求証分析,一切賺蝕得失,概與本人無涉。

星期一, 5月 14, 2007

香港精神

唔駛美國人既「Disney Land」,香港人自己搞既「Ocean Park」仲掂;

入過香港D茶餐廳、街頭特色、老牌食肆,以及各式美食,香港果然係「美食天堂」;

Mud都有得買,又唔駛打稅,各大舖頭又唔賣「假貨」,不愧為「購物天堂」;

營商人才輩出,享有全球最自由既經濟區之一,有完善金融系統同法制,又位於中國個閘口,唔怪得出左「利豐」同「思捷」等國際級企業;

雖則平時「各自為政」,但有大問題時大家都會走出黎(SARS時可見一斑)....亦係香港人可愛之處;

全世界,相信冇Mud地方俾D報紙電台日日話政府。冇民主,都有自由;

唔理邊個「Industry」,個個都「拼搏、求變、向上」,亦解釋點解香港係咁「Efficient」同「打不死」;

無政府(特區)支持,「Cathay Pacific」亦能「I Can Fly」;


彈丸之地,咁多年都不斷於風雨中「創造奇跡」,都幾慶幸係呢度出世 !!

唔理係「米字旗」下,淨係「五星旗」之下,香港始終係香港,筆者亦會以港為家。

每個人做好自己個「Role」,香港精神 (Hong Kong Spirit)相信亦會延續下去......

星期日, 5月 13, 2007

不肯承擔

利蹤禪師有一次在深夜裡,站在僧堂前大叫道:
「有賊!有賊!」


叫聲驚動了堂內的大眾,這時,剛好有一位學僧從堂內跑出來,利蹤禪師就一把抓住他道:
「糾察師父!我抓住賊了。」


學僧推拒道:「禪師!你弄錯了,不是賊,是我!」
利蹤不放手,大聲道:「是就是,為什麼不肯承擔?」

有道是「擒山中之賊易,捉心內之賊難」,一個人在日常生活中,常用眼、耳、鼻、舌、身、意等六根,向外執取色、聲、香、味、觸、法等六塵欲樂,引生種種煩惱痛苦。三十年的修行,每日的二時粥飯,都只為了降伏心中的盜賊,能夠如此領會,上山一轉,心賊一捉,佛法就此當下了!

--------------------------------------------------------------------

諗起中大條靚仔,寫完篇咸野就搵埋晒D「Excuse」去掩飾自己......將來如何「頂天立地」做人?

就算開除學籍,都是對佢「仁慈」。他日出到黎社會,一兩次「失言」足以「Game Over」!!

唔肯承擔,想有所成都幾難.....

醒未?

星期一, 5月 07, 2007

說出真相的心聲

行過「IFC Cinema」,睇到「Conversation with God」的預告片其中一句: 「每人都有說出真相的心聲」

任何人,就算係作惡多端的人,相信快離開世界之際,道出真話亦是解脫一種方法。

能真心看侍自己生意,並待客以公之商人,方為真正實行「商道」的生意人。

襌師之「修行」,不是打坐念經,而是真心做好每一件事。

行「醫道」之仕,便要擁有一顆體恤病者之真心。


其實,每人都有「與內心」(亦即神佛道)對話之潛力.......

星期六, 5月 05, 2007

優質增長股

吹左水咁多個月,可以借勢講下筆者之「投資哲學」。唔講D較剌激既「資源金屬股」,或者一些「資產股」; 通常這類股票並非筆者之主力(但都會買一點做前鋒),如果睇得準回報可以不錯,但要玩得到家,並非易事。

至於主力投資,通常係「優質增長股」,並且通常符合以下因素:

1) 處於中高增長行業(通常於高增長地區、或行業受惠於某些大趨勢)
2) 企業擁有明顯競爭優勢(如管理層、研發能力、產品/服務質素、財力、併購能力、經營策略或企業架構)
3) 較長/可靠的盈利能力
4) 上述增長潛力及競爭優勢可持續至少4年,越長越好(但越難找)
5) 有穩健的財務狀況、現金流以及派息能力
6) 於合理估值買入並長期持有(通常強勢好股票正常來說不會平得去邊)

以下優質股票好有機會符合上述條件:

第一級(盈利預測性非常高):
匯控(5)
渣打(2888)
招行(3968)
宏利(945)
利豐(494)
思捷(330)

第二級(盈利預測性可以):
平安保險(2318)
交行(3328)
中遠太平洋(1199)
利和經銷(2387)
港機工程(44)
富士康(2038)
ASM太平洋(522)
東方電機(1072)
東風汽車(489)

註: 以上只包括筆者認為中長線增長潛力不俗,於個別行業有一定競爭優勢,而企業質素不低; 不過,估值是另一「Issue」!!


Disclaimer: 本網頁屬個人網誌,並不會給予任何投資建議。本網頁的一切言論並不構成要約、招攬、邀請、誘使、建議或推薦。本人亦無法保證網站內容的真確性及原整性。請運用個人獨立思考能力自行求証分析,一切賺蝕得失,概與本人無涉。