宣傳易

誰說香港欠缺廣告人才，得閒深夜睇下「宣傳易」，其實都有唔少「搞鬼Idea」。

如果連間野都「執」埋，大家仲記得個廣告，冇人反對係一個「Effective」之作 ----->「城市桑拿」
作扮成魯智深既徐綿江:「老友，邊度係城市(註: 位於KCRC車站)?」
有條友:「依度咪係城市law!」
徐:「Eeee...唔係指城市呀，我係話沖涼按摩個間城市桑拿!」
條友:「好正個間城市，係吳松街.....」

去到城市桑拿...
徐:「Mud又係你呀!」
同樣係KCRC個條友:「唔同你講住，我依家入去先。」


另一「城市」廣告:
徐:「花和尚點解練到銅皮鐵骨?全靠黎城市X骨。有我花和尚，唔會介紹錯，千祈唔好執輸」
話時話，好耐冇睇個廣告，好大機會間野已經執左......


又有間「行家」，搵漫畫人黃玉郎客串一句:「老婆最贊成!」(註: 大佬呀，邊會有女人俾老公去埋呢D地方! 個然搞野)

又記得有個桑拿廣告，搵山度士等球員拍......連當年有為球員都要做埋呢D野，難怪香港足球發展.....「Sigh」

好似幾年前有個廣告搵「曹查理(咪即渣老板??)」去拍。有條友問曹查理得閒做Mud。
曹查理:「我睇莎士比亞。」
劉錫賢:「我去XX桑拿」
有條友:「Wa...咪係沖涼X骨好正個間?同埋我去。」
曹查理:「我都要去!」
劉錫賢:「你睇你既莎士比亞啦!」