去馬!!

http://hk.myblog.yahoo.com/cutecute_may/article?mid=4438


今天發現一段有趣的「Blogger文章」，似乎各位「型男」亦不太難達到文中要求。呵呵!!


(註: 由「小妹的可愛天使王國」轉載)
----------------------------------------------------------------------------

誠徵大灰熊
身高 - 175以上 - 小妹咁鐘意著高踭鞋, 一個唔覺意就會高過你。 但佢係絶對唔會就你而著波鞋~

體重 - 唔可以瘦! 小妹佢唔鍾意人奀挑鬼命! 最好你係灰熊咁既身型, 要肥 (但係小妹話唔準癡肥), 要龐大既軀體完全可以攬住佢成個人~

年齡 - 最好係大過佢五年以上, 但若然你自問個人幾成熟, 就算細過小妹都可以~ (佢已經係個細路仔, 唔好再叫佢湊埋你!)

學歷 - 只要你個人有番d 上進心, 唔好死蛇爛膳。 學歷低唔緊要, 反正小妹唔在乎, 但係唔識既野就虛心請教人, 唔識唔好扮識~

事業 - 唔駛你事業有成, 唔駛你搵十萬九千七, 只要你唔係長期失業, 唔係做非法勾當 。仲有唔好三日唔埋就轉一份工, 話到尾小妹以前做人事部, 佢有職業病, 好怕人唔夠穩定性。

財富 - 唔需要有車有樓, 即使你搵幾千蚊一個月佢都可以同你一齊捱, 但係你要對佢好~ 就算你只係搵幾千蚊一個月, 大時大節花少少心思送份小禮物比佢 (係你送既唔理係咩野佢都會開心到飛上天!)

性格 - 有愛心 (要經常樂於助人), 細心 (要好好照顧小妹), 有心思 (識得氹下佢) 專一 (絶對唔可以有第二個, 諗下都唔得, 比小妹知道就算佢幾愛你都會好狠咁飛左你!)

外表 - 謝絶靚仔! (靚仔做下朋友比小妹養下眼無妨) 除左要有大灰熊既外型, 仲要有善良既外表~ 小妹鍾意似 "歐陽震華" 咁既型號! (所以另加一項: 要接受到小妹成日提住鍾意歐陽震華!)

嗜好 - 冇不良啫好最好, 意思即係唔煙唔酒唔蒲! 不過唔太過份有節制就冇問題 (預左你唔係聖人) 粗口都盡量少講, 唔該! 同朋友食飯, 行街, 唱k 甚至你鍾意打機都冇問題, 唔駛咁健康鍾意做gym, 睇書 (反正小妹都唔係健康...)