突然發覺，其實係「財經Blog界」中，有「Potential」成立好多個股票大聯盟:
1) 匯控(5)大聯盟
2) 宏利(945)大聯盟
3) 招行(3968)大聯盟
4) 交行(3328)大聯盟
5) 利豐(494)大聯盟
6) 平保(2318)大聯盟
7) 中人壽(2628)大聯盟
8) 中石化(386)大聯盟
9) 東方電氣(1072)大聯盟
(註: 要成立任何大聯盟，先決條件係至少財金Blog界中有兩個人持有隻股票)
仲有冇其他「漏網之魚」?
Disclaimer: 本網頁屬個人網誌，並不會給予任何投資建議。本網頁的一切言論並不構成要約、招攬、邀請、誘使、建議或推薦。本人亦無法保證網站內容的真確性及原整性。請運用個人獨立思考能力自行求証分析，一切賺蝕得失，概與本人無涉。
25 則留言:
中移動(941)都幾好, 乜無支持者咩?
樓主推介既股票, 有好多係人人識, 人人都知係好野, 長其持有實無輸
但我總係唔夠耐性, 喜歡買進賣出, 博短線途利, 現在回看, 以前買過又賣出的股票, 好多都雞犬升天, 唉...都怨不得人
現在, 使用部份資金月供滙豐及中移動, 打算楂到天荒地老
希望我有這個耐性.
Slimbody (修身堂也??):
其實玩大路好股，更易分出高低手。
低手: 唔理三七廿一，總之買XXX，實升。
中高手: 評估盤生意，再估未來盈利增幅潛力，再睇下估值(P/E等)同埋自身組合既佈陣，先決定買唔買。
857, 330, 2318
兩隻都可以做聯盟？
咁唔只十隻 :p
呵呵，要係有實力既財經Blog內，真係唔係太易。
思捷(330) 已經唔乎合資格，因為我地圍內冇人持有。
中石油(857)係我地個圈子係冇人買入。
其實小弟又覺得唔洗太鐵板咁話聯盟咁. 比喻 #330 可以去到 $90，小弟都會睇下有冇 D 投機錢轉過去...又例如 #5 仔痴o左突然去到，let say $200, 咁相信會幾多人走貨...咁其實冧把大聯盟依樣野唔係咁大意義唧, right? 大家都係價值投資者，不如簡單化整個價值投資大聯盟?
Eric 兄:
有道理，不過呢篇野擺明係開玩笑! 正所謂，君子群而不黨......
寫呢篇原因係見坊間太多"XXX股大聯盟"，或是"XXX徒"。
講開又講，如果匯控(5)去到$200，都未算貴，只不過係到時唔好再買入。
我只知，好多人或會"跌晒眼鏡"。
其實, 我不會在意那位(些)成立xxx大聯盟的人, 只是那些連間公司都未完全分析就加入xxx大聯盟的人(仲要常常大叫gogogoupupup)就未免太傻吧了...
Wheel兄:
呢篇都係開玩笑性質.....老實講，大家邊有咁多閒情搞埋D"大聯盟"。
初級班(大姨媽) 同 高級班(鄧小閑) 都係買同一隻股票...匯豐....鄧小閑兄講的...
我地讀緊中班，緊係想快些升級.....而家4隻....睇下幾時得番3隻
軒仔老豆, 好耐冇見, 連軒仔個 blog 都冇 update...掛念...
最近你隻吉利一上電視就 pak pak 聲, 軒仔老豆果然慧眼識英雄...後市你對依隻野點睇?
Albert 公子, sorry 借 blog 一用...
唔會有中高手淨係渣死一兩隻股票。
咁諗法猶如"磨石為鏡"。
問題唔係幾多隻股票，而係你對幾多個"行頭"同"生意"有一定認識，跟住建立一個自己可以"Handle"既小型股票組合。
冇任何一隻股票，甚至組合係永遠無敵; 世間法刞，日新月異.....
現價, 我願意只持有東方電機一隻ONLY
Wing兄，我地明嫁啦!!
從來無諗過slimbody係修身堂喎, 不過你咁講又幾貼切喎.....
小弟自問懶人一個, 不會做功課, 但想發達....
但咁係咪代表無機會呢? 答案係"唔係"
曹仁超有時講得幾岩(強調係有時), 佢話過如過功力唔夠的人, 自己做功課不如跟一D成功既人去投資(強調係成功既人), 就咁我只特別留意某幾位人兄既言論, 其他人講的只當參考, 報紙佬講既更當耳邊風
我崇拜的有料之人: 1. 林森池 2. 四叔
然則 Wing 兄連招行都賣o左 :O
slimbody:
林森池應該當之無愧，不過佢可能唔會成日同您講買甚麼股票。或應咁講，佢寧教人如何分析同投資，多過講"Number"。您要跟佢，都冇捷徑嫁Wor。
要跟四叔，您要有佢咁多錢先得。您唔做"Strategic Investors"，"D IPO"根本上無可能係低價錢買入。
Albert兄，
同意你的睇法。現時，我可以控制的...可能都是3~5隻。 其中1~3係藍籌，係無打算理佢。 廢寢忘餐...只可以一時...
Eric兄，
吉利....我唔知佢上香港電視...定係你話中央台廣告？ 昨天賣了1/3......睇下遲些可否買回。
軒仔老豆, o個個唔知類似財經透視定新聞透視，都係個同事講俾我知，我都冇睇呀...都係講吉利既低價車既競爭能力，又唔食油呀咁, 講依 D 車類似日本當年汽車既冒起...我問我同事，佢都唔係好記得，剩係知出街後隻股...呵呵...
現價如果只可以買一隻股的話...
東方電氣(1072)嘛!
我會加多隻渣打(2888)。
佢已經沉醉於1072之中啦, 不能自拔
今日唔知不明不白"大"插水，看到傻了眼...學藝未精既我如果買o左未必識處理...
Wing兄既中堅分子，正好係我既前鋒。
估值、行業前景、企業行頭競爭力，全部看得幾通.....
我自己個Portfolio受得起.....
Albert 公子系出少林係唔同 D...個價咁大個 portfolio 可能會肉酸一排, 依個對小弟o黎講幾難頂...心理質數小弟差好遠...
發佈留言