黃金比率

下午差唔多想訓著之際，久違的經紀E打黎: 「Albert兄，有D野想向你請教。」(其實我估佢都係悶到想死...嘻嘻)

我即時精神一振: 「喂，大佬E，有Mud好路數? 哪敢教你呀，倒翻轉要你大佬多多關照就真。」

經紀E: 「唔同你講咁多客套說話，你近排點睇D內房股?」

心想又是難題一條，唯有咁答: 「好難講嫁wor，一方面宏調和加息會好影響房價和售樓情況，另一方面個堆內房股估值唔貴......」

經紀E: 「好似好多內房股都相對NAV有好大折讓(Discount)，宜家抵唔抵買jek?」

我回應:「這確實是對的，但是多少Discount才算足夠呢? 如果由三成Discount跌到落五成Discount，都幾大穫嫁wor!」

經紀E: 「如果我看長線呢?」

我回應: 「若然你看十年或者二十年，宜家Mud價買個堆優質內房股，實OK嫁! 衰D講，就算你07年11月入貨都冇死，嘻嘻!」

經紀E: 「唔好玩野呀.....如果我想三至五年內穩賺，現在買內房股得唔得?」

我回應: 「如果想三至五年內穩賺，不如買匯控(5)啦，股息又高，岩晒你呢D好(息)之徒。」

經紀E: 「哈哈，唔好玩我啦!」

我回應: 「E哥，老實講啦，如果話識睇短線走勢擺明呃你既遮。不如諗下隻瑞房(272)，明年都有兩厘幾息，可攻又可守。係wor，聽講你成日同D客講埋甚麼黃金比率(Golden Ratio)，不如用呢個方法睇下Mud位入貨啦!」

經紀E: 「唔好玩啦，Albert兄! 呢D黃金比率係擺明同客吹下水，唔好當真。」

我回應: 「大佬E，唔係卦，你知唔我一直都好信你嫁，仲想搵日向你討教黃金比率添，嘻嘻!」

經紀E: 「唔同你玩啦，有電話入，遲D再找你，bye!」


註: 黃金比率(Golden Ratio) = 1.618
維斯談黃金比率
(http://hk.myblog.yahoo.com/iam-waise/article?mid=5449)

筆者信一句: 「呢個世界冇大路或小路，呢D野係賭場D人諗出黎引人入局。賭局只有長莊或長閒而矣」