疾如風、不動如山

剛剛做了點算，發覺近排兵荒馬亂對自己個倉影響不算太大。相對07年10月尾高位計，股票總值大約跌19%，同期間恆指及國企指數分別跌21%和29%。中資股占組合之60%左右，表現不算太過「Titanic」。

筆者操作模式不算複雜，選擇數個長期增長型既大行業(呢家係大陸易找一點)，投資落各行業內最具競爭力之大市值公司，以作組合骨幹。每當有大跌市，盡力用現金或轉股票去買貨。老實說，由於大多持有優質股，而最大5隻持股已占大數75%左右，故此可用來換馬的股票越黎越少。結果搞到好似「傳統Long Fund」一樣，主力持有藍籌及大型國企，一年內交易次數不多，而表現越黎越似國企指數。

同朋友說笑，自己個倉既作風幾似意大利球隊的「穩守突擊」策略。不用「Margin」，又唔玩「Warrant」同其他衍生工具，以便減低組合波幅(逆市時能守之)。集中地分散落幾隻增長型大股，以保持攻力，同時又不會給一兩個行業問題嚴重拖累。行業內只擇具競爭優勢(市場專利)的好股，正如球隊要求各自球員的球技達一定水平，以乎合團隊發展利益。

順帶又借用下「孫子兵法」:
「故兵以詐立，以利動，以分合為變者也。
故其疾如風，其徐如林，侵掠如火，
不動如山，難知如陰，動如雷霆。」

其中「疾如風」和「不動如山」，都可算是筆者的座右銘。市況不利，如持有優質股，要「心如止水」。見到好股「Trade」緊「心水價」，不容過份猶疑，更切忌抱著「係全日低位買貨」的貪小便宜心態，作所謂「用兵貴乎神速」。