中頭獎

剛剛由南韓返黎，其中過程容後再談，先講點解「中頭獎」。

今次坐「Asiana (韓亞)」，該航空公司同國泰一樣，都係「五星級航空」。由首爾仁川機場乘夜機回港之際，「Serve」我個行個位空姐係韓國女子; 從其手法，看似「新紮師妹」，不乏後生女之工作熱誠，或者係繼承傳統朝鮮女子的美德。

當吃過飛機餐，插住耳筒，與周公下棋之際，突然好似有人敲我個頭咁。睜開眼睛，個位韓國空姐係咁同我「Say Sorry」; 原來佢開我頭頂個「行李蓋」，不慎跌左D野(好似係本書)。幸好本公子練左「鐵頭功」，見位小姐好似好驚我「Complain 佢」，反過來要安撫番佢: 「It's OK! Nevermind....」。

之後佢行過黎收「Headphone」時好似好唔好意思，講幾句我唔明既韓語，從尷尬笑容中，大概明佢講Mud。

之後佢仲將一些東西放在我手上，原來係頭獎獎品 ------ 三副韓亞樸克牌。

剛出道少女，果然有趣.......